د اغاخان فرهنګي بنسټ چارواکي وايي، لېواله دی، په راتلونکي کې د غزني ځینې تاریخي ابدې بیا ورغوي.
د دغه بنسټ یو پلاوی چې د چهارشنبې په ورځ غزني ته تللی و، هلته یې ځینې لرغوني ساحې وکتل.
د طالبانو تر ولکې لاندې باختر اژانس د راپور له مخې د دغه پلاوي مشري اجمل میوندوال کوله.
د خبر پر اساس ښاغلي میوندوال د هیواد تاریخي ابدې د افغانستان معنوي سرمایه او افتخار وبلل او د هغو په ښې ساتنې یې ټینګار وکړ.