د پاکستان پوځي او استخباراتي چارواکو دا خبر تایید کړ چې ډګرمن لایق د سې شنبې په ورځ زیارت سیمې ته څېرمه تښتول شوی دی.
په سیمه کې سرچینو د ازادي راډیو مشال څانګې ته وویل چې هلته وسله وال پر سړک ولاړ وي، موټر پلټي او کله چې دوی د ډګرمن لایق موټر درولی او پوه شوي دي چې دی پوځي افسر دی له ځانونو سره یې بېولی دی.
وسله والو د ډګرمن لایق مېرمن او ماشومان پرې ایښي دي چې ولاړ شي.
تر اوسه چا د دې برمته نیونې مسوولیت نهدی منلی.
د يادونې ده چې په دې وروستيو کې پر پاکستاني پوځيانو څو ځل غلچکي بريدونه هم وشول چې پهکې پوځيانو ته مرګ ژوبله هم واوښته.