هند په کابل کې خپل سفارت ته یوه ډله لېږلې چې سفارت پرانیزي او افغانستان ته د بشري مرستو په رسولو کې برخه واخلي.
د هند د باندنیو چارو وزارت ویلي چې لېږل شوې تخنیکي ډله به افغانستان ته د بشري مرستو په رسولو کې رول ولوبوي.
هند د تېر کال د اګست په ۱۵ مه د طالبانو له واکمنېدو وروسته له افغانستانه خپل ډیپلوماتان وایستل.
خو په وروستيو کې د هند حکومت خبر ورکړ چې کابل کې به خپل سفارت پرانيزي او ظاهراً يې موخه زلزله ځپلو او نورو افغانانو سره بشري مرستې کول او مديريت کول ښودلي.