د راپورونو له مخې د ترکیې په وان کې پولیسو د افغان کډوالو په یوه بس موټر ډزې کړي چې له امله یې یو ماشوم مړ شوی او دولس نور ټپیان دي.
د سیمې څو رسنیو پرون راپور ورکړی چې پېښه یکشنبه په سرای ولسوالۍ کې شوې.
په خپرو شویو ویډیوګانو کې د یوه ماشوم مړی ښکاري او څو نور ماشومان او ښځې ټپيانې دي.
په ویډيو کې یوه ښځه چې د ماشوم سر ته ناسته ده په دري خبرې کوي.
Türkiye’de faşist siyasi parti başkanlarının nefret tohumu ekmek suretiyle toplumu terörize etmeleri sonucu Van Saray ilçesinde mültecileri taşıyan minibüs taranmış 1 kişi ölmüş onlarca yarali var..Allah bu nefret tohumlarını ekenlerin belasını versin.pic.twitter.com/pxpgtHYm4L
— Hüseyin YILDIRIM (@GamginYildirim) July 3, 2022
میدیا نیوز او وان خبر سیمه ییزو رسنیو د وان د ولایت په حواله ویلي، چې پولیسو یواځې د بس په ټيرونو ډزې کړي.
د وان ولایت ویلي، چې ماشوم د مرمۍ په پوچک/چرې باندې لګېدلی او د ټپونو له کبله یې ساه ورکړې.
ترکیې په دې وروستیو کې د افغان کډوالو په وړاندې شرایط سخته کړي او د راپورونو له مخې له ایرانه په ور اوښتونکو ناقانونه افغان کډوالو ان مخامخ ډزې کوي او که ژوندي لاسته ورشي په وهلو وهلو یې له خپلې خاورې باسي یا د پناه غوښتونکو توقیف ځایونو/کمپونو ته بیايي.