د نوبل د سولې د جایزې ګټونکي- روسي ژورنالیست دیمیتري مراتوف خپله نوبل جایزه، د اوکراین له جګړه ځپلو ماشومانو سره د مرستې لپاره په لیلام کې وپلورله.
د دې جایزې له پلورلو ترلاسه شوي ټول ۱۰۳،۵ میلیون ډالر به د جګړې له کبله له بېځایه شویو اوکرایني ماشومانو سره د یونیسیف د مرستې صندوق ته ورکول شي.
مراتوف چې د نووایا ګزېتا د خپلواکې ورځپاڼې له جوړېدو سره یې مرسته کړې وه او مسوول مدیر یې هم و، په تېر ۲۰۲۱ کال کې له یوې بلې روسۍ ژورنالیستې ماریا ریسا سره په ګډه د نوبل د سولې جایزه ګټلې وه.
پر اوکراین د روسیې له یرغل وروسته چې مسکو د رسنیو د ځپلو اقدامات پیل کړل، نو په مارچ میاشت کې نووایا ګزیتا ورځپاڼه هم بنده شوه.