د اوکراین د بهرنیو چارو وزیر روسیه تورنه کړه چې د اوکراین د خوراکي موادو د صادراتو مخه نیسي او په دې ډول نړۍ له لوږې سره مخامخوي.
دمیترو کولیبا پرون په ټویټر کې ولیکل چې روسیه قصدا داسې هڅې کوي چې اوکراین ملامته ښکاره کړي.
تر دې یوه ورځ مخکې د اوکراین ولسمشر ولودومیر زیلینسکي ویلي و چې روسیې د اوکراین بندرونه بند کړې دي او د کییف مخه یې نیولې ده چې دوه ویشت میلیونه ټنه غله دانه نورې نړۍ ته صادره کړي.