په بشري چارو کې د ملګروملتونو ځانګړي راپور ورکوونکي په افغانستان کې پر ملکي وګړو د تروریستي حملو له کبله اندېښنه څرګنده کړې.
ریچارد بینیټ تېر ماښام پر خپل ټویټر لیکلي، چې د افغانستان د روانو پېښو او خونړیو حملو په اړه باید خپلواک تحقیقات وشي.
بینیټ په مزارشریف کې د پنجشنبې ورځې حملو ته چې په نتیجه کې یې ۱۶ ماشومان ووژل شول اشاره کړې او خپګان یې څرګند کړی.
په مزارشریف کې د دې حملې مسوولیت د داعش ډلې خراسان څانګې ومانه.