د اوکراین د صدراعظم مرستیالې د ماریوپول ښار د فولادو د تولید له فابریکې څخه د لږترلږه ۵۰ ملکي وګړو د انتقال خبر ورکړی.
ایرینا ویریش چوک پرون پر خپله ټیلګرام پاڼه ولیکل چې په لېږدول شویو کسانو کې ماشومان، ښځې او زاړه کسان شامل دي.
روسي ځواکونو پرون د ماریوپول د بندري ښار د فولادو پر فابریکې حملو ته زور ورکړ.
اوکرایني چارواکو مخکې ویلي و، چې د ۲۰۰ په شاوخوا کې ملکيان او لږترلږه ۲ زره سرتېري د آزوف سټال د فولادو په فابریکه کې ګېر پاتې دي.