د متحده عرب اماراتو حکومت ۱۷۸ سوالګر نیولي چې نږدې ۱۰۰ تنه یې پاکستانیان دي.
خلیج ټایمز او څو نورو رسنیو د دوبۍ د پولیسو په حواله راپور ورکړی چې دا سوالګر د خیرات غوښتونکو/ګدایګرو د ټولولو په یوه کمپاین کې نیول شوي.
په دې ډله کې ۴۴ ښځې هم شاملې دي.
د دوبۍ پولیسو ویلي چې دا نیول شوي سوالګر به د قانون سره سم درې کاله بند تېروي او هر یو به پنځه زره درهمه جرمانه کېږي.
د راپورونو په اساس متحده عرب اماراتو ته هر کال ګڼ شمېر پاکستانیان د چکر او کار لپاره ځي خو ځینې د بې روزګارۍ له وجې په سړکونو خیرات غواړي.