د اوکراین دفاع وزیر اولیکسي ریزنیکوف وایي، هېواد به یې سختې اوونۍ په مخکې ولري او خبرداری یې ورکړ چې د روسیې د پراخ یرغل په ترڅ کې به په ختیځ کې ډېرې ورانۍ او ځاني زیانونه رامنځته شي.
نوموړي د جرمني په رامشټین امریکایي پوځي اډه کې د نړۍ د ۴۰ هیوادونو د چارواکو غونډې ته چې پرون یې دوهمه ورځ وه په اشاره وویل، دا غونډه د یوه داسې ریښتینې ایتلاف څرګندونه کوي چې هدف یې یوازې د کریملین مسئول پېژندل نه دي بلکې هدف یې د روسیې د ظلمونو مخنیوی دی ترڅو دا مسئله یقني شي چې متمدنه نړۍ دغه جګړه ګټلی شي.