د بشري حقونو د څار سازمان یو وار بیا له شپږم ټولګي پورته د افغان نجونو پر مخ د ښوونځیو په نه خلاصېدو نیوکه کړې ده.
د دغه سازمان د ښځو د برخې مرستیالې هیدر بار ویلي، طالبان د څه باندې څلورو زرو مدرسو د جوړولو امکانات لري خو د نجونو د ښوونځیو په پرانیستلو نه سلا کېږي.
هېدر بار ټينګار کړی، چې افغان نجونې باید ښوونځیو ته پرېښودل شي.
له هغه راهیسې، چې طالبانو له شپږم ټولګي پورته د نجونو ښوونځي تړلي ۲۲۰ ورځې ووتلې.