د روسیې تاس دولتي اژانس راپور ورکړی، چې د روسیې د سمندري ځواکونو قوماندان د مسکوا په نوم د روسیې د ډوبې شوې بېړۍ له عملې سره وکتل.
ده ویلي، دغه کسان به خپل خدمت ته دوام ورکوي.
په هغه لنډه ویډیو کې چې د روسیې دفاع وزارت خپره کړې امیرالبحر نیکولای یومینوف او دوه نور افسران د شا و خوا ۱۰۰ لامبووهونکو په وړاندې ښکاري.
د دې کتنې د وخت په اړه څه نه دي ویل شوي.
روسیې د پنج شنبې په ورځ تایید کړه، چې د مسکوا په نوم یوه کښتۍ یې تر یوې چاودنې وروسته ډوبه شوه.
خو اوکراین ویلي، کښتۍ د دوی له خوا د نپتون په نوم په توغندي ویشتل شوې ده.