روسیې د یوه ځوابي اقدام په ترڅ کې د اروپايي ټولنې د پلاوي ۱۸ کارکوونکي له دې هېواده ایستلي دي.
د روسیې د بهرنیوچارو وزارت پرون په یو اعلامیه کې وویل چې مسکو دا اقدام له بروکسل څخه د ۱۹ روسي وګړو د ایستلو په ځواب کې کړی دی.
د روسیې د بهرنیو چارو وزارت ویلي چې په مسکو کې د اروپايي ټولنې سفیر مارکوس ادېرر یې احضار کړی او له خپل ځوابي اقدام څخه یې خبر کړی دی.
پر اوکراین د روسیې له پوځي یرغل وروسته لویدیځو هېوادونو لسګونه روسي ډيپلوماتان اېستلي او روسیې هم د ټولو پر وړاندې د ځوابي اقدام ژمنه کړې.