محمد شهباز شریف د پاکستان نوی صدراعظم وټاکل شو.
د دغه هېواد په پارلمان کې نن د نوي صدراعظم د ټاکلو لپاره رأی اچونه وشوه چې په پایله کې یې شریف په ۱۷۴ رایو بریالی اعلان شو.
شریف یوازنی کاندید و ځکه د تحریک انصاف ګوند پارلمان بایکاټ کړ او کاندید یې شاه محمود قریشي هم له ګڼو نورو ګوندي ملګرو سره استعفا ورکړه.
شهباز شریف چې د پاکستان د مسلم لیګ ن ګوند مشر دی له پیپلز پارټۍ او نورو سیاسي ګوندونو سره په ګډه د پخواني واکمن تحریک انصاف ګوند د حکومت د لیرې کولو لټه کوله.
هغوی بالاخره وتوانېدل یکشنبه سهار وختي عمران خان صلب اعتماد کړي او د نوي صدراعظم د ټاکلو لپاره لار هواره کړي.
شهباز شریف د پاکستان د پخواني صدراعظم نواز شریف کشر ورور دی.