د چین حکومت شانګهای ښار ته د کرونا د معاینې په چارو کې د مرستې لپاره په زرګونه روغتیايي کارکوونکي ولېږل.
د دولتي رسنیو د راپورونو له مخې، تر ۱۰ زرو ډېر روغتیايي کارکوونکي شانګهای ته رسېدلي دي.
پام کې ده د شانګهای ټول ۲۶ ملیونه اوسېدونکي په داسې حال کې معاینه شي چې نن دوشنبه هم پهکې د کرونا ویروس زیاتې مثبتې پېښې ثبت شوې دي.
دا په چین کې د عمومي روغتیا په برخه کې تر ټولو لوی اقدام ګڼل کېږي.