د فوټبال نړیوال فدراسیون یا فیفا او د اروپا د فوټبال فدراسیون یوفا د روسیې د فوټبال ملي ټیم او د دې هېواد د لیګونو ټول ټیمونه له نړیوالو سیالیو څخه منع کړل.
د دواړو فدراسیونونو د ګډې اعلامیې له مخې دغه اقدام یې د اوکراین له خلکو سره د پیوستون په خاطر کړی دی.
له دې سره هم مهاله د روسیې د ګاز پروم شرکت له خوا د اروپا د فوټبال د ټیمونو تمویل هم بند شوی دی.
دغه اقدام پر اوکراین د روسیې د حملې په غبرګون کې شوی دی.