د پاکستان د حکومت مشرتابه پرون ماښام د افغانستان په تړاو یوه غونډه جوړه کړې وه.
دا غونډې د اپېکس ډلې په چوکاټ کې ترسره کېږي چې مشري یې صدراعظم عمران خان کوي.
د پاکستان د صدراعظم د دفتر له خوا په خپرو شوېو ټوېټونو کې راغلي چې عمران خان په دې غونډه کې ټینګار وکړ چې د افغان محصلینو لپاره باید د سکالر شېپونو زمینې برابرې شي ځکه د ده په خبره دا محصلین دي چې د دواړو هېوادونو د خلکو تر منځ د اړیکو په جوړولو کې اساسي رول لوبولي.
خان همدا راز په افغانستان کې د روغتونونو د فعاله ساتلو او جوړولو په باب هم د همکاریو ډاډ ورکړی دی.