د افغانستان د ښځو او بشري حقونو په برخه کې د امریکا ځانګړې استازې رینا امیري ویلي، طالبان دې هغسې چې بهرنیو ژورنالېستانو سره ښه چلېږي افغان خبریالانو سره هم مخکې لاړ شي.
اغلې امیري په دې اړه څو ساعته مخکې ټويټ کړی دی.
The Taliban should show the same openness to Afg journalists that they do to int’l journalists. It would show that they’re not afraid of being accountable to Afghans. Afg free press is one of the best outcomes of the last 20 years. Let them operate freely without intimidation. https://t.co/OeQj6uU1PF
— U.S. Special Envoy Rina Amiri (@SE_AfghanWGH) January 28, 2022
هغې زیاته کړې چې افغان خبریالانو پر وړاندې د طالبانو دا چلند به وښيي چې هغوی افغانانو ته له حساب ورکونې نه ډاریږي.
د افغانستان د ښځو او بشري حقونو په برخه کې د امریکا ځانګړې استازې رینا امیري د افغانستان ازادې رسنۍ د تېرو شلو کلونو یوه ښه لاسته راوړنه بللې ده او ټینګار یې کړی چې هغوی باید له کومې وېرې پرته ازادانه فعالیت وکړي.
رینا امیري دا ټويټ د هغو غبرګونو په دوام کړی چې د طالبانو له خوا تېره اوونۍ د یوه ډله افغان خبریالانو د غونډې مخه ونیول شوه.