شمالي کوریا یو لیرې واټن ویشتونکی مشکوک توغندی نن له خپلو ختیځو سواحلو سمندر ته توغولی دی.
دا خبره د جنوبي کوریا پوځي چارواکو کړې.
د جاپان د دفاع وزارت ویلي، هغه څه چې شمالي کوریا توغولي، امکان لري یو میزایل واوسي، خو ډېر جزئیاتیې نهدي خپاره کړي.
لومړی د جاپان ساحلي ګارد د دې توغونې په اړه راپور ورکړ او ویېویل ممکن یو بالسټیک توغندی وي.
دا وروسته له هغې ده چې د جنوبي کوریا مشر د خپل هېواد د پوځي وړتیاوو د پیاوړتیا ژمنه کړې.
نوموړي تېره اوونۍ د خپل حاکم ګوند په غونډه کې په ځانګړي توګه د توغندیو یا اټمي وسلې یادونه ونه کړه، خو ویې ویل ملي دفاع باید پیاوړې شي.
د ملګرو ملتونو د ملي امنیت د شورا پرېکړه لیک پر شمالي کوریا د هر ډول لېرې واټن ویشتونکو توغندیو ازمویل بند کړي او دې شورا د پیونګ یانګ د اټمي پروګرام په خاطر په شمالي کوریا بندیزونه لګولي دي.