په کابل کې نن یوې چاودنې دوه طالب سرتېري ټپیان کړل.
د طالبانو کورنیو چارو وزارت وایي، چاودنه نن مازدیګر د څلورمې حوزې اړوند ګل سرخ څلور لارې سره شوې.
د وزارت مرستیال ویاند عاقل جان عزام رسنیو ته ویلي، ماین په یوه ګلدان کې ایښودل شوی و.
دا ماین داسې مهال چاودلی چې د طالبانو یو موټر له سیمې تېرېده.
سملاسي یې کومې ډلې مسؤلیت نهدی منلی، خو طالبانو له دې وړاندې دا ډول چاودنې داعش ډلې ته منسوبې کړې دي.