طالبانو له ایراني پولهساتو ځواکونو سره د افغانستان د نیمروز ولایت په کنګ ولسوالۍ کې نښته کړې ده.
د طالبانو حکومت یوه سرچینه چې د موضوع د حساسیت له امله نهغواړي نومیې واخیستل شي ازادي راډیو ته تأییدوي چې نن چهارشنبه د مازیګر شااوخوا پنځه بجې د طالبانو او د ایراني پولهساتو ځواکونو ترمنځ دغه نښته شوې ده.
دغه سرچینه زیاتوي چې نښتې دوه ساعته دوام وکړ او د پوځي مرستې په غوښتلو سرهیې بشپړ چمتووالی نیولی دی.
په هغو وېډيو ګانو چې په ټولنیزو رسنیو خپاره شوي لیدل کېږي چې طالبان له سپکو او درنو وسلو کار اخلي.
د سرچینې په وینا، نښته پر طالبانو د ایراني ځواکونو له حملې وروسته پیل شوې ده.
دغه نښته کې د اوښتې مرګژوبلې په اړه تر اوسه جزئیات نهدي خپاره شوي.
د ایران تسنیم خبري اژانس هم پېښه تأییدوي، خو لاملیې سرحدي سوء تفاهم یادوي.
د دغه اژانس په راپور نښته اوسمهال پای ته رسېدلې ده.