په لوګر کې د طالبانو دوو ډلو نښته کړې چې په نتیجه کې یې ځینو خلکو ته مرګژوبله اوښتې ده.
یو شمېر سیمهییزو رسنیو او اژانسونو راپور ورکړی چې یکشنبه په دې نښته کې دوه طالبان وژل شوي او پنځه ملکیان ټپيان دي.
راپورونه زیاتوي چې نښته په پاسپورټ ریاست کې د پاسپورټ د وېش په سر شوې ده.
په لوګر کې د طالبانو چارواکو رسماً په دې تړاو څه نهدي ویلي، خو د لوګر د پاسپورټ ریاست یوې باوري سرچینې ازادي راډیو ته وویل چې نښته د دوی له ساحې دباندې په قراول کې شوې او یوازې یو طالب وژل شوی.
سرچینې د ملکیانو د ژوبلېدو په تړاو څه ونهویل.
په لوګر او شااوخوا اتو نورو ولایتونو کې د پاسپورټ د وېش بهیر له شنبې پيل شوی، خو د راپورونو له مخې د خلکو ګڼې ګوڼې ځينې لانجې جوړې کړې دي.