د ګرجستان پخوانی ولسمشر میخایل ساکاشویلي چې له اوو اوونیو راهیسې د نهخوړو اعتصاب کړی، په موقتي توګه بېهوښه شوی دی.
د هغه وکیل، بیکا باسیلیا وویل ساکاشویلي پرون د ده په مخ کې د زندان په روغتون کې بېهوښه شو او په ځمکه ولوېد.
د ګرجستان د زندان ادارې په یوه بیان کې ویلي چې د ساکاشویلي صحي وضعه اوس د ډاډ وړ ده.
یوه ورځ مخکې، یوه طبي بورډ د ساکاشویلي روغتیایي حالت "نازک" بللی و او سپارښتنهیې کړې وه چې هغه د زندان له روغتون څخه د ملکي روغتون عاجلې څانګې ته ولېږدول شي.
خو د ګرجستان حکومت دا غوښتنه رد کړې ده.
د امریکا د بهرنیو چارو وزارت ویلي دي چې د ساکاشویلي وضعیت له نږدې څاري.
د ګرجستان پخوانی ولسمشر میخایل ساکاشویلي له اته کلن جلاوطنۍ وروسته د اکټوبر په لومړۍ نېټه ګرجستان ته ستون شو. له ستنېدو سره سم ونیول شو او په زندان کې یې د نهخوړو اعتصاب وکړ.