د پاکستان پارلمان پر ښځو د جنسي تېري کوونکو او د ماشومانو د ځورونې د عاملینو د خصي کولو قانون تصویب کړ.
دا پرېکړه وروسته له هغه شوې چې په دغه هېواد کې پر ښځو د جنسي تېري د قضیو شمېر زیات شو.
اوس دا قانون د پاکستان د ولسمشر عارف علوي لاسلیک او توشېح غواړي.
د نوي قانون له مخې له حکومت غوښتل شوي چې د جنسي تېریو او د ماشومانو د جنسي ځورونې قضیې باید په څلورو میاشتو کې دننه په محکمو کې وڅېړل شي او په اړهیې پرېکړې وشي.
د قانون په اساس جنسي تېري کوونکي به د خاصو کیمیاوي موادو په ذریعه خصي کېږي.
کیمیاوي بڼې باندې خصیانول د لنډمهال لپاره وي او د جنسي اړیکو تمایل لهمنځه وړي.
د راپورونو له مخې د جنسي تېریو یوازې درې فیصده قضیې څېړل کېږي او پاتې نور یې همداسې پاتې دي.
پاکستان چې له ۲۲۰ ملیونو زیات نفوس لري په ورځ کې لږ تر لږه د جنسي تېریو ۱۰ قضیې راپور کېږي چې له نیمايي زیاتیې په لیرو پرتو او کلیوالو سیمو کې کېږي.