ملګري ملتونه وایي، افغانستان کې د تریاکو تولید د تېر کال پرتله ۸ فیصده زیات شوی دی.
په ملګرو ملتونو کې له نشهیي توکو او جرم سره د مبارزې ادارې پرون په یوه راپور کې ویلي، ۲۰۲۱ کال کې ۶،۸۰۰ ټنه تریاک تولید شوي دي.
د دغه راپور له مخې، له دې لارې ترلاسه شوې پیسې دوه میلیارده او ۷۰۰ ملیونه ډالرو ته رسېږي.
راپور کې راغلي، د دغو پیسو ډېره برخه د هغو کسانو جېبونو ته تللې چې له افغانستانه بهر د نشهیي توکو ناقانونه سوداګرۍ کې لاس لري.
افغانستان د نړۍ په کچه د تریاکو لوی تولیدوونکی دی او د نړۍ نږدې ۹۰ په سلو کې تریاک دلته تولیدېږي.