په ننګرهار کې د ختیځ په نوم د لبنیاتو فابریکه توانېدلې په ورځ کې ۳،۵۰۰ کیلوګرامه شیدې پروسس کړي.
د ننګرهار مطبوعاتي دفتر پرون په خپل ټویټر کې لیکلي، په جلال‌اباد کې دغه فابریکه شیدې په لوړ کیفیت پروسس کوي چې د شیدو د ساتلو ترڅنګ، مستې، تروې، چکه، پېروی، ملايي او پنېر تولیدوي.
تر دې مخکې د خصوصي فابریکو او کارځایونو خاوندانو ویلي وو چې د وروستیو تحولاتو له کبله‌یې کار و بار اغېزمن شوی دی.
پر افغانستان د طالبانو له واکمنېدو وروسته د دغه هېواد اقتصادي وضعیت په خرابېدو دی.