د امریکا متحده ایالاتو په پوځي اډو کې ځای پر ځای شوي لسګونه زره افغان پناه غوښتونکي وايي، د ژمي لپاره کافي امکانات نهلري.
د هفنګټن پوسټ ورځپاڼې د پروني راپور له مخې، د دغو افغان پناه غوښتونکو شمېر ۵۰ زرو ته رسېږي، که څه هم په بشپړ ډول واکسین شوي هم دي، لا هم په پوځي اډو کې پراته دي.
د امریکا د دفاع وزارت د راپور له مخې، په پوځي اډو کې د پرتو افغانانو ۴۴ فیصدهیې ماشومان دي.
په دغو پوځي اډو کې پرتو پناه غوښتونکو ورځپاڼې ته ویلي چې د ژمي له راتګ سره دوی تاوده کالي نهلري او په پوځي اډو کې له سړو کړېږي.
د روېټرز خبري اژانس د راپور له مخې، له اګسټ میاشتې راهیسې د قطر له لارې یو لک او ۲۴ زره کسان له افغانستانه ایستل شوي دي.
هفنګټن پوسټ وايي، د اګسټ له ۱۷مې امریکا ته شااوخوا ۷۰ زره افغانان لېږدول شوي دي.
دغه پناه غوښتونکي د اسنادو تر پروسس کېدو، واکسین او د قرنطین مودې تر تېرولو وروسته له پوځي اډو یا لنډمهاله کمپونو، نورو استوګنځیو ته انتقالېږي.