په نړۍ کې د کرونا وبا له خپرېدو وروسته په څه کم دوو کلونو کې د دغه ویروس له کبله د مړو شوېو کسانو شمېر تر ۵ میلیونو واوښت.
کووېډ- ۱۹ په دې موده کې نه یوازې بې وزلو هېوادونو ته سخت ګوزار ورکړی، بلکې په شتمنو هېوادونو کې یې هم چې ښه روغتیايي سیستمونه لري، ډېر کسان مړه کړي دي.
د کرونا له کبله د مړینو نیمايي راپورونه امریکا، اروپايي اتحادیې، بریتانیا او برازیل ورکړي چې خلک یې شتمن یا د متوسط عاید خاوندان دي.
یوازې په متحدو ایالاتونو کې څه باندې ۷ لکه ۴۵ زره تنه په کرونا مړه شوي چې تر بل هر هېواد زیات دي، ورپسې هند، برازیل او روسیې تر ټولو ډېرې مړینې ثبت کړي دي.
تراوسه پورې په نړۍ کې تر ۷ میلیارډه ډوزه زیات واکسین شوي دي.