د اوکراین پوځ د لومړي ځل لپاره د دغه هېواد په ختیځ کې د روسي پلوه بېلتون غوښتونکو پرضد له یوې ترکۍ بې پیلوټه الوتکې استفاده کړې ده.
د اوکراین پوځ په خپل فیسبوک کې د بایراکتار په نوم د ترکۍ الوتکې ویډیو خپره کړې ده چې د اوکراین په ختیځ کې یوه روسۍ توپچي وسیله له منځه وړي.
د اوکراین د ځواکونو په وینا دې وسیلې د اوکراین یو پوځي وژلی و او یو یې ټپي کړی و.
د بې پیلوټه الوتکې دا برید مسکو سخت غندلی دی.
ترکیې بې پیلوټه الوتکې پر اوکراین پلورلي دي.
کیف غواړي چې لس نورې بې پیلوټه الوتکې له انقرې واخلي او د اوکراین په ختیځ کې یې ځای پرځای کړي، په هغه ځای کې چې د دوه زره څوارلسم کال له اپریل را په دې خوا د اوکراین او روسي پلوه بیلتون غوښتونکو ترمنځ په جګړو کې تر دیارلس زره دوه سوه ډېر کسان وژل شوي دي.