د ملګرو ملتونو ویاند وایي، د افغانستان له لورې یې داسې غوښتنه نه ده ترلاسه کړې چې ملګري ملتونه د دغه هېواد د برېښنا د بیلونو پيسې ورکړي.
سټیفن دوجاریک پرون دا خبره وروسته تر دې وکړه چې داسې راپور خپور شو چې د افغانستان برېښنا شرکت له ملګرو ملتو غوښتې ديچې د منځنۍ اسیا هېوادو ته د افغانستان د برېښنا د لګښت نوي ملیونه ډالر پور ورکړي.
د بلومبرګ د راپور له مخې د افغانستان برېښنا شرکت وایي، که دا پیسې په درېیو میاشتوکې د منځنۍ اسیا هیوادو ته ونه رسیږي پر افغانستان به برېښنا قطع کړي.
د اګست له پنځلسمې وروسته چې طالبانو کابل نیولی دی د منځنۍ اسیا هیوادونو ته افغانستان د وارداتي برېښنا پیسې نه دې ورکړل شوي.
افغانستان، تاجکستان، ازبکستان او ترکمنستان ته د وارداتي برېښنا د لګښت لپاره د میاشتې له ۲۰ تر ۲۵ ملیونونه ډالر ورکوي.