د امریکا ولسمشر جو بایډن یو وار بیا له افغانستانه د خپلو پوځیانو د ایستلو دفاع وکړه.
بایډن چې پرون شنبه یې د پنسلوانیا ایالت په شانکسویل سیمه کې د سېپټمبر د ۱۱مې د حملو د شلمې کالیزې په مراسمو کې ګډون کړی و، وویل؛ ګرانه ده چې ټولو ته له افغانستانه د وتلو د پرېکړې په اړه وضاحت ورکړل شي: "د هغه څه پر اساس چې لوستي مې دي، هغو لګښتونو ته په پام چې وشول ۷۰ سلنه امریکایان فکر کوي چې دا له افغانستانه د وتلو وخت و. خو هغه څه چې خلک یې خوشاله نه کړل، ناببره وتل و."
د بایډن حکومت له افغانستانه د امریکايي ځواکونو د ایستلو په خاطر له سختو انتقادونو سره مخامخ شوی دی.