د ناټو درې غړو هالنډ، بلجیم او هنګري له افغانستان څخه د خپلو اتباعو او خپلو افغان همکارانو د لېږدولو د عملیاتو د پای اعلان وکړ.
متحده ایالاتو او نورو لوېدیځو هېوادونو بیا خپلو اتباعو ته خبرداری ورکړی چې سمدستي د کابل نړیوال هوایي ډګر څخه لیرې شي.
دوی ویلي دي چې د اسلامي دولت ډلې یا داعش لهخوا د ترهګریز برید لپاره خورا معتبر ګواښونه موجود دي.
د خبرداریو سره سره، زرګونه کسان هڅه کوي چې د کابل هوایي ډګر له لارې له افغانستان څخه ووځي.
دا لا روښانه نهده چې څومره لوېدیځوال د هوایي ډګر له لارې د افغانستان پرېښودو ته انتظار باسي.
د متحده ایالاتو د بهرنیو چارو وزیر انتوني بلېنکن پرون وویل چې لاهم په افغانستان کې شااوخوا یو نیم زر امریکایي اتباع موجود دي.
د اګسټ له ۱۵مې تر دې دمه پورې د لسګونه زره کسانو په ډله کې چې امریکا ایستلي څلور ۴،۵۰۰ امریکايي اتباع هم شامل دي.