طالبانو د خپلې واکمنۍ ۱۰ ورځې وروسته په افغانستان کې د بانکونو د پرانیستو ژمنه وکړه.
د طالبانو ویاند ذبیحالله مجاهد پرون سې شنبه (د وږې په ۲مه) په کابل کې خبري غونډې ته وویل له مرکزي بانک وروسته ټول بانکونه خپل فعالیت پیلوي.
ښاغلی مجاهد وایي: "مرکزي بانک ته اجازه ورکړل شوه چې باید خپل فعالیت پيل کړي او سر له نن او سبا به ټول بانکونه پرانیستل شي او راکړه ورکړه به ازادانه پيل شي."
د اګسټ له ۱۵مې چې د طالبانو ځواکونه پلازمېنې کابل ته ننوتې دي، د دغه ښار د ګڼو خلکو یو شکایت همدا و چې بانکونه بند دي او دوی له ستونزو سره مخامخ دي.