د کاناډا صدراعظم جسټن ټروډو وایي، هېواد یې نیت نه لري چې د طالبانو حکومت په رسمیت وپېژني او زیاته یې کړه چې کاناډا تر اوسه طالبان یوه ترهګره ډله بولي.
ښاغلي ټروډو پرون سې شنبې په یوه خبري کنفرانس کې وویل چې طالبانو په زوره د افغانستان د ډموکراټیک حکومت ځای نیولی چې د کاناډا د قوانیونو پر اساس هغه تر اوسه یوه ترهګره ډله ده.
تر دې مخکې د امریکا متحدو ایالاتونو د دوشنبې په ورځ ویلي و چې یوازې په هغه صورت کې به په کابل کې د طالبانو حکومت په رسمیت وپېژني چې د بشري حقونو درناوي وکړي او له ټولو تروریستي ډلو سره اړيکې پرېکړي. په عین حال کې د جرمني د بهرنیو چارو وزیر هایکو ماس ویلي چې لویدیځ به د طالبانو د اقداماتو پر اساس قضاوت وکړي.