د امریکا د عدلیې وزارت ویلي، ۲۰۲۰ میلادي کال کې د مطرحو فدرالي څارنوالانو پر کمپیوټرونو سایبري برید د روسي هککرانو کار دی.
دغه وزارت ویلي، یوازې په نیویارک کې د څارنوالانو په څلورو دفترونو کې د اتیا فیصده کار کوونکو د ایمیل پر حسابونو برید شوی دی.
د عدلیې وزارت د جولای په ۳۰مه وویل چې دا سایبري بریدونه د تېرکال د مې میاشتې له اوومې د دسمبر تر ۲۷مې نېټې شوي دي.
د دوی په راپور کې راغلي چې روسیي هککران د لسګونه شخصي کمپنیو او د لږ تر لږه نهو دولتي ادارو حسابونو ته هم ننوتلي.
روسي چارواکو سملاسي په دې اړه څه نه دي ویلي.