د اذربایجان او ارمنستان ځواکونو د سرحد په اوږدو کې د څو ساعتونو لپاره سختې ډزې تبادله کړې.
دا ډزې د دواړو هېوادونو ترمنځ د لانجمنې سیمې ننګورنو قرهباغ پر سر د تېر کال تر جګړې وروسته د کړکېچ په دوام شوې دي.
د دواړو هېوادونو د بهرنیو چارو وزارتونو یو او بل د وړمې شپې د جګړې په پیل تورن کړي دي. دغه وسلهواله نښته تر پرون سهاره روانه وه.
نښته د اذربایجان په یرکاش نومې سیمه کې شوې چې د ارمنستان او ایران پر پوله پرته ده.
د اذربایجان دفاع وزارت ادعا کوي چې یو پوځي یې ټپي شوی دی.
بلخوا د ارمنستان دفاع وزارت چې د اذربایجان ځواکونهیې د نښتې په پیلولو تورن کړی، وايي ټول مسؤلیت د اذربایجان پر غاړه دی.
دغه وزارت د مرګژوبلې راپور نهدی ورکړی.