د ترکمنستان د اتلسو پوځیانو د وژل کېدو راپورونه ورکړل شوي دي.
سرچینو ازادې اروپا راډیو ته ویلي چې د دغو پوځیانو مړي د افغانستان له پولې سره نږدې له مري ښاره انتقال شوي دي.
د وژل شوېو تر منځ دوه جګپوړي افسران هم شامل دي.
د ترکمنستان چارواکو داسې وخت د دغه هېواد د اتلسو پوځیانو د وژل کېدو خبره کړې چې د افغانستان په شمال په تېره بیا هغو سیمو کې چې له منځنۍ اسیا سره اوږده پوله لري جګړو زور اخیستی.
ګڼې سیمې او عبوري ساحې د طالبانو لاس ته لوېدلي دي.
د ترکمنستان د پوځیانو د وژل کېدو څرنګوالی لا نه دی رسنیز شوی.
طالبانو که څه هم څو واره په خپلو اعلامیو کې ویلي چې د دوی جنګیالي په ګاونډیو هېوادونو کار نه لري، خو د منځنۍ اسیا هېوادونو د افغانستان په شمال کې د جګړو له تودېدو اندېښنه ښودلې ده.