نن عرفه او سبا د لوی اختر لومړۍ ورځ ده.
د سږ کال حج مراسم به هم د کرونا وبا د خپرېدو له امله محدود وي.
د سعودي عربستان چارواکو هغو ۶۰ زرو سعوديانو او نورو بهرنیو وګړو ته د حج اجازه ورکړې چې په بشپړه توګه واکسین شوي دي.
په نورو کلونو کې چې د کرونا وبا په څېر لوی ناورینونه نهوو د حج مراسمو ته په اوسط ډول دوهنیم ملیونه کسان ورتلل.
حاجیان تېره شپه په منی کې وو او نن د لمر تر لوېدو په عرفاتو کې تېروي.
د سعودي عربستان چارواکو د ټولنیز واټن د رعایت لپاره خاص مراسم هم نیولي دي.