۲۰۹ شاهین قول اردو په شمال کې د ۱۵۰ وسله والو طالبانو د وژل کېدو ادعا وکړه.
د دې قول اردو ویاند حنیف رضايي نن شنبه (د چنګاښ ۲۶مه) رسنیو ته وویل، دغه شمېر وسله وال په تېرو ۲۴ ساعتونو کې د هوايي او ځمکنیو پوځي عملیاتو پر مهال په بلخ، سرپل، سمنګان، فاریاب او جوزجان کې وژل شوي دي.
د ده په خبره په دې موده کې تر پنځه اتیا زیات نور وسله وال ټپیان شوي دي.
خو د طالبانو یو ویاند ذبیح الله مجاهد ازادي راډیو ته وویل، دوی ته مرګ ژوبله نه ده اوښتې.