د روسیې یوه کوچنۍ مسافر وړونکې الوتکې چې اتلس سپرلۍ یې درلودې له یوې پېښې وروسته د سایبریا په هوايي ډګر کې بېړنۍ ناسته وکړه.
د راپورنو له مخې د دې الوتکې یوازې څو سپرلۍ برسېرن ټپیان شوي دي.
د سایبریا د تومسک سیمې والي دا پېښه یوه معجزه بللې ده.
د تومسک سیمه ییزو چارواکو، د بېړنیو حالاتو ادارې او د روسیې د هوايي ټرانسپورټ د ادارې چارواکو ویلي چې دا الوتکه پرون جمعه (د چنګاښ ۲۵مه) له نژدې دوه ساعته الوتنې وروسته لادرکه شوه.
د الوتکې اړوند سیلا Sila هوايي شرکت ویلي چې د الوتکې عمله او سپرلۍ ټول روغ رمټ دي.
رویټرز خبري آژانس د الوتکې د پیلوټ له قوله خبر ورکړی چې نوموړی وايي، له الوتنې څو شېبې وروسته د الوتکې دواړه انجنونه له کار وغورځېدل.
په هغو تصویریونو کې چې تاس خبري اژانس خپاره کړي دي، د دې الوتکې بدنه په یوه ځنګله کې داسې حال کې لیدل کېږي چې په بل مخ اوښتې ده.