د هالیووډ د سینما وتلی لوبغاړی نېډ بېټي په ۸۳ کلنۍ ومړ.
ده په څو فلمونو له هغې ډلې ډېلورېنس، سوپرمن او نېټورک کې د لوبېدو لپاره خورا شهرت ګټلی.
روېټرز خبري اژانس د اسکار جایزې د دې ګټونکي سینمايي لوبغاړي د لور بلوسوم بېټي په حواله لیکلي چې نېډ بېټي په لاس انجلس کې په خپل کور کې ساه ورکړې.
نېډ بېټي اته زامن او لورګانې درلودې او د امریکا د کینټاکي ایالت اصلي اوسېدونکی و.
دی یکشنبه سهار مړ شوی.
نېډ بېټي په څه باندې ۱۵۰ فلمونو او ټلوېزیوني ډرامو کې کار کړی.