د افغانستان دفاع وزارت وايي، یو هليکوپټر یې د تخنیکي ستونزو له کبله په میدان وردک ولایت لوېدلې او درې تنه پېلوټان یې وژل شوي دي.
د دغه وزارت په وینا په دې پېښه کې یو تن ټپي دی.
د دفاع وزارت په وینا دا پېښه تېره شپه هغه مهال وشوه چې هليکوپټر غوښتل په جغتو ولسوالۍ کې ځانګړي عملیات وکړي.
له دې وړاندې هم میدان وردګ ولایت کې د نظامي هلیکوپټر خبرونه خپاره شوي وو.
طالبانو بیا ادعا کړې چې دا چورلکه دوی ویشتې ده.