د بلخ ولایت، د بلخ ولسوالۍ پر امنیه قوماندانۍ موټربم حملې مرګ ژوبله اړولې ده.
د بلخ ولایت د امنیې قوماندانۍ ویاند عادلشاه عادل وايي، په پېښه کې چې نن یکشنبه (د غبرګولي ۱۶مه) ماسپښین شوې، د لومړنیو معلوماتو له مخې دوه پوځیان وژل شوي او د ملکیانو په ګډون تر ۲۰ زیات نور کسان ټپیان شوي دي.
د بلخ ولسوال محمد یونس ستانکزي رسنیو ته ویلي چې په لسګونو کسان تر نړېدلې ودانۍ لاندې راګیر پاتې دي.
محلي سرچینو ویلي چې د بلخ ولسوالۍ امنیه قوماندان، ضیاالحق طوفان ټپي شوی دی.
د طالبانو یوه ویاند ذبیح الله مجاهد د دې حملې مسوولیت منلی او د لسګونو دولتي کار کوونکو د وژلو ادعا یې کړې ده.