د افغانستان د جمهوري ریاست د څارنې د ادارې مشرې له خپلې دندې استعفا وکړه.
غزال حارس چې شااوخوا دوه کاله یې دغه دنده پرمخ وړې، نن یکشنبه (د غبرګولي ۲مه)په یوه ټویټ کې ویلي چې خپله دنده وروسته له هغې پریږدي چې دوه ځلي یې استعفا ونه منل شوه.
هغې د خپلې استعفا د علت په اړه څه نه دي ویلي او جمهوري ریاست یې هم د استعفا په اړه تبصره نه ده کړې.
دغه اداره د ۱۳۹۸ کال په زمري میاشت کې له فساد سره د مبارزې او د لوړپوړو چارواکو پر فعالیتونو د څارنې په هدف جوړه شوې ده.