د روسیې د بهرنیو چارو وزیر سرګي لاوروف په تاجکستان کې د افغانستان پولې ته نږدې د یوې پرمختللې اډې د جوړولو لپاره د روسیې د چمتووالي خبر ورکړ.
لاوروف ویلي چې هېواد بهیې له تاجکستان سره په دې اړه په نږدې راتلونکي کې یوه موافقه لاسلیک کړي.
ښاغلی لاوروف زیاتوي: "موږ نن د ډلهییز امنیت د سازمان په چوکاټ کې د افغانستان او تاجکستان ترمنځ د پولې د پیاوړتیا په اړه خبرې وکړې. د روسیې ځواکونه د ترورېزم ضد عملیاتو کې په منظم ډول برخه اخلي. په نږدې راتلونکي کې تمه لرو چې د دولتونو ترمنځ یوه موافقه لاسلیک شي."
په اوس وخت کې د تاجکستان په درېیو اډو کې نږدې ۷،۰۰۰ روسي سرتېري دېره دي.