په هند کې په کرونا ویروس د اخته کسانو رسمي شمېره له شل میلیونو واوښته.
د هند د روغتیا وزارت په تېرو ۲۴ ساعتونو کې د څه باندې ۳۵۷۰۰۰ نویو مواردو له ثبت وروسته نن سې شنبه د مې په څلورمه دا اعلان وکړ.
له بلې خوا په هغو روغتونونو کې چې د کرونا د ناروغانو درملنه کېږي د بسترونو، درملو او اکسیجن د کموالي ستونزه پرځای پاتې ده.
په هند کې په کرونا د اخته کسانو شمېر په تېرو درېیو میاشتو کې تقریباً دوه چنده لوړ شوی او د دې وبا له کبله د مړینو شمېر اوس له دوه لکه شل زرو اوښتی دی.
په هند کې کرونا د بل هر هېواد پرتله په چټکۍ سره د خپرېدو په حال کې ده.