د پاکستان د بلوچستان د خبریالانو ټولنه به د یوه خبریال د وژل کېدو د وروستۍ پېښې په اعتراض کې نن د دې ایالت د پارلمان له خبري پوښښ څخه ډډه وکړي.
د اردو ژبې ازادي ورځپاڼې خبریال عبدالوحید ریساني د شنبې په ورځ په کوټه کې د ناپېژانده وسلهوالو په ډزو ووژل شو.
که څه هم تر اوسه د دغې وژنې انګېزه نهده روښانه، خو پولیسو ویلي چې په دې اړه تحقیقات پیل شوي او امکان لري چې دغه قتل به هغه مهال شوی وي چې غلو هڅه کوله د هغه موټرسایکل وتښتوي.
د بلوچستان د خبریالانو ټولنې د ریساني قتل غندلی او غوښتنهیې کړې چې عاملانیې باید په نښه شي.
بلوچستان له کلونو راهیسې د فرقهیي شخړو او د اسلامي سختدریځو او بېلتون غوښتونکو د حملو شاهد دی.
له ۲۰۰۴ کال راهیسې په زرګونه کسان په دغو حملو کې وژل شوي دي. تېره چهارشنبه په کوټه کې د سرینا هوټل په پارکېنګ کې په یوه چاودنه کې لږترلږه پنځه تنه مړه او ۱۲ تنه نور ټپیان شول.
د پاکستان تحریک طالبان ډلې د دغه برید مسؤلیت اخیستی او ویلي وچې په دغه برید کې یې چارواکي په نښه کړي و.