د افغان سولې لپاره د پاکستان د صدراعظم ځانګړی استازی محمد صادق نن یکشنبه (د غويي ۵مه) کابل ته راغلی.
دا خبره په کابل کې د پاکستان سفیر منصور احمد خان په خپل ټوېټر کړې.
هغه ویلي، د ښاغلي صادق په مشرۍ لوړپوړی پلاوی به له افغان چارواکو سره د سولې، امنیت او دوه اړخیزو مسئلو په اړه بحث وکړي.
Pakistan’s Special Representative on Afghan Reconciliation H.E. Ambassador Muhammad Sadiq arrives in Kabul leading a high level delegation for discussions with Afghan side on peace, security and related matters @AmbassadorSadiq @PakistaninAfg @ForeignOfficePk pic.twitter.com/8GT833LZ16
— Mansoor Ahmad Khan (@ambmansoorkhan) April 25, 2021
محمد صادق وروسته له هغه کابل ته سفر کوي چې د افغانستان ولسمشر محمد اشرف غني تېره اوونۍ پر پاکستان غږ وکړ چې د افغانستان د ابادۍ او ویجاړۍ تر منځ دې یو انتخاب وکړي.
وړمه ورځ د ترکیې په کوربه توب د پاکستان، افغانستان او ترکیې د بهرنیو چارو وزیرانو غونډه هم شوې وه.
په غونډه کې د پاکستان د بهرنیو چارو وزیر شاه محمود قریشي یو وار بیا د افغان سولې لپاره د خپل هېواد د همکارۍ ډاډ ورکړ.
هغه ویلي دا دری اړخیزه غونډه په مهم وخت کې چې د افغان سولې پروسه حساس پړاو ته داخله شوې او د خبرو د مثبتو پایلو لپاره ټولیزه هیله په ډاګه کوي.