د غور چارواکي وایي چې د طالبانو په کمین کې یو سیمه ییز پاڅونوال او یو ملکي وګړی وژل شوي دي.
پېښه پرون جمعه (د غويي ۳مه) له غرمې وروسته د غور په شهرک ولسوالۍ کې هغه مهال وشوه چې د سیمه ییزو پاڅونوالو غړي په ګزمه وتلي وو.
د شهرک ولسوال محمد کبیري ازادي راډیو ته پېښه تایید کړه، خو نور جزئیات یې ورنه کړل.
سیمه ییز پاڅونوال هغه وسله وال دي چې د افغانستان د دولت په ملاتړ یې د خپلو سیمو امنیت ته وسله اخېستې ده.
طالبانو تراوسه د دې پېښې په اړه څه نه دي ویلي.