د اروپا د دوا د تنظیم اداره وایي، د جانسن اینډ جانسن د واکسین او د وینې د غوټه کېدو ترمنځ ښایي رابطه وي، خو د کووېد-۱۹ ناروغۍ د دې واکسین ګټې د هغه تر خطرونو خورا زیاتې دي.
د اروپا د درملو موسسې دا نظر د سې شنبې (د وري ۳۱مه) په ورځ ورکړ او تمه ده چې د امریکا متحد ایالاتونه د دې واکسین په د اوونۍ په پای کې اعلان کړي اړه چې موقتاً یې درولی دی، خپله ارزونه د اوونۍ په پای کې اعلان کړي.
د اروپا د درملو موسسې رئیسه ایمر کووک خبریالانو ته وویل چې د دې واکسین جانبي عوارض خورا لږ دي، خو دا ډېره مهمه ده چې ډاکټران او ناروغان دې نښې ته متوجه وي.
د اروپا د درملو موسسې رئیسه ایمر کووک
د مارچ په میاشت کې په ۲۷ هېوادونو کې د درملو د تنظیم د چارو ادارو ورته نښې وموندلې او د دې واکسین پرځای چې یو ډوز یې د کرونا لپاره کافی دی، د بل واکسین د ورکړي تجویز وکړ.
اروپایي ټولنې د مارچ په درېیمه جانسن اېنډ جانسن واکسین تصویب کړ خو تر اوسه یې خلکو ته د ورکړې چارې نه دي پيل کړي.
په دې اړه نور: د درملو اداره: د 'جانسن اېنډ جانسن' ګټې د هغه د ګواښ پرتله ډېرې ديد امریکا په متحد ایالاتونو کې دا واکسین شااوخوا اووه میلیونه کسانو ته ورکړل شوی دی او په شپږ مورده کې د وینو د غوټه کېدو راپور ورکړل شوی دی.
د اروپایي ټولنې په هېوادونو کې له څه باندې یوه کال راهیسې چې بندیزونو پر اقتصاد اغېز کړی اوس د واکسین د ورکړي چارې ګړندۍ شوي دي.
د اروپا د داخلي مارکیټونو د چارو کمېشنر تییري بریتون د فرانسې لي فیګارو ورځپاڼې ته وویل، اوس کافي واکسین ترلاسه شوی دی، څو د جولای تر نیمایي اویا فیصده مشرانو ته واکسین ورکړل شي.
- سپوټنیک-وي
بل لور ته، ارجنټاین به په لاتین امریکا کې لومړی هېواد شي چې د روسیې سپوټنیک-وي واکسین تولید کړي.
د سپوټنیک وي واکسین
د روسیې هغه کمپنۍ چې دا واکسین جوړوي، وویل چې د ارجنټاین ریچمونډ کمپنۍ به د جون په میاشت کې یو میلیون ډوزه سپوټنیک-وي واکسین تولید کړي او بیا به دا اندازه د میاشتې تر پنځه میلیونو پورې لوړه شي.
ارجنټاین د لاتین امریکا لومړی هېواد دی چې په ډیسمبر کې یې د سپوټنیک-وي واکسین تایید کړ او پردې واکسین ډېره تکیه کوي.
دا واکسین تر اوسه شپیتو هېوادونو تایید کړی دی.
اوسمهال په نړۍ کې د کرونا وبا مثبتې پېښې تر ۱۴۳میلیونه او پنځه لکه اوښتې دي.